16 октябрь 2024 яңалыклары

Кояшның салкын чагы

Хикәя.

Себер татары

Шәүкәт Гаделша шигыре.

«Сезгә ничектер, безгә авыр...»

Зөфәр абый белән Казанда, матбугат үзәгендә күрештек. «Әдәби кафе» дип аталган җыйнак кына, әмма уңайлы бер почмак бар анда – яңа китаплар караштыргалап, каһвә эчеп, күңелгә якын кешеләр белән сөйләшеп утырырга уңай урын. Әңгәмәдәшемне көткән арада киштәләрдәге бихисап мәҗмугалар арасыннан «Бакый Урманче» дигәне күзгә ташланды. Оста гомер буе шигырь язган икән. Әлеге китап – Урманче шигырьләренең тәүге кат матбугатта менә шулай олылап тәкъдим ителеше. Ни хикмәт, төзүчесе, гарәп шрифтындагы текстларны гамәлдәге язуга күчерүчесе һәм шулай ук кереш мәкалә авторы да Зөфәр Мөхәммәтшин булып чыкты! Озакламый Зөфәр абый үзе дә җил-җил атлап, елмаеп килеп керде. Күземне һаман китаптан ала алмыйм, гадәтемчә, китапның ахыргы битендәге азаккы шигырьгә игътибар итәм...