Драма

Журналның июнь (№6, 2018) санында Зәбир ГЫЙМАЕВның «Читлек» дип аталган сәхнә әсәре басылып чыгачак.

chitlek_nach_2-m

 Драмадан өзек тәкъдим итәбез:

 

…Касыйм. Укыйсыңмы? Эшлисеңме?

Марсель җавап бирми.

Касыйм. Аңлашылды. Армиядә булдыңмы?

Марсель. Дурак что ли…

Касыйм. Нигә калтырыйсың? Суыкмыни?

Марсель. Че тупишь, а? Ломка у меня… Ломка! Мне раз ширнуться… Выручай, а?.. В долг прошу!.. Ломка у меня!..

Касыйм. «Ломка» дисең инде… «Ломка» дисең!.. Алай… Хәзер дәвалыйбыз аны! (Кисәк Марсельнең изүеннән алып, көч белән читлеккә яба.) Менә шулай!.. Хәзер мине тыңла, малай актыгы! Игътибар белән тыңла! Читлектә – бүре! Җиде этне бугазлаган өер башлыгы! Борынгылар белеп әйткән: игелексез баланың булганнан булмавы артык. Син наркотиктан барыбер дөмегәчәксең. Үлемең дә яшәвең кебек мәгънәсез булачак! Мин сиңа шанс бирәм. Бүре белән сугышып үл! Ир-егет үлеме белән үл! (Пычагын ташлый.) Пычакны ал. Бүрегә артың белән борылма. (Читлек капкасын йозакка бикләп, ачкычын якындагы агач ботагына элеп китә.)

Марсель (коты алынып). Чыгар! Ач капканы! Ишетәсеңме син?! Тиран! Төрмәдә черетәм мин сине! Коткарыгыз! Кешеләр! (Хәлсезләнеп утыра. Бераздан, нык тотлыгып, сөйләшер хәлгә килә.) С-с-син м-миңа т-тимә, б-бүре… Т-тимисең бит?.. Т-тәмсез мин… Э-эчәм, тар-ртам, җ-җит-тмәсә наркоман. Ни-нигә м-миңа к-карап т-торасың? К-карама миңа алай… Яшисем к-килә, бүре… Я-яшисем килә!..

 

Әсәрне тулысынча журналыбызның июнь санында укыгыз.

 

 

 

 

Татар халкының каһарманы Минзакир Әпсәләмов турында

Татар халкының каһарманнарын барлауны дәвам итәбез. Журналның декабрь (№12, 2016) санында басылып чыгачак Рәис Зариповның «Хәрби разведка генералы» язмасы да хәрби разведка генерал-майоры, хәрби фәннәр докторы Минзакир Әпсәләмовның данлы һәм катлаулы тормыш юлы, сугышта күрсәткән батырлыклары турында…

general

…Кызыл Армия Генераль штабының Разведка идарәсе (1942 елның 16 февраленнән – Баш разведка идарәсе (ГРУ) совет чорында «җиде йозак» астында булганлыктан, Әпсәләмовның фамилиясе дә сер итеп саклана. Шул сәбәпле, 1995 елда, Казанда нәшер ителүче «Идел» журналындагы татар генералларына һәм адмиралларына багышланган мәкаләдә* (*Татар генераллары һәм адмираллары. Идел, 1995, №5.) күренекле милләттәшебезнең фамилиясе күрсәтелми…