28 апрель 2023 яңалыклары

«Туган көнемдә меңләгән кеше котлый...»

42 еллык мөгаллимлек стажы булган Зәбир Фәхерлегаян улы Хәлимов 1952 елның 28 апрелендә Актаныш районының Үмәнәй авылында туа. Әнисе Һава гарәпчәне дә, фарсычаны да су кебек эчкән, мөнәҗәтләр, бәетләр язган. Һава апаның әтисе Локман ага Уфада гимназия тәмамлаган, патша хезмәтендә зур хөрмәт казанган, алты тел белгән, күп төрле һөнәрләргә ия кеше булган. Әтисе Фәхерлегаян абый Бөек Ватан сугышында катнашып, бик күп орден-медальләр алып кайткан ветеран. Тальянда бик оста уйнаган, матур итеп биегән, җырлаган... Әти-әниләренә охшап, биш кызлары һәм уллары Зәбир дә шигъри җанлы, җыр-биюгә оста, белемгә омтылучан булып үскәннәр.