Логотип «Мәйдан» журналы

Яшьлек ядкаре

(җыр язу өчен)Болында атлар уртлап йөргәндәСүнә ди мени төнге учаклар.Һич истән чыкмый шул чаптарларныңЯлларын тарап су керткән чаклар... Куш: Күннән үрелгән камчы чыҗлавы,Чаптар атларның тояк ав...

(җыр язу өчен)
img
Болында атлар уртлап йөргәндә
Сүнә ди мени төнге учаклар.
Һич истән чыкмый шул чаптарларның
Ялларын тарап су керткән чаклар...
 
Куш: Күннән үрелгән камчы чыҗлавы,
Чаптар атларның тояк авазы.
Хыялны җигеп атта җилдергән
Егетлек чоры - ул гомер язы.
 
Бар хәзинәдән өстен күргәнгә,
Күңел кыллары атка тартыла.
Без иярләгән чаптарлар шуңа
Сабантуйларда уктай атыла.
 
Куш: Беренче килгән җайдак егеткә
Кызлар бүләге-чиккән кульяулык.
Кызлар күз явын алмакчы булсаң
Ияр өстендә кирәк уяулык...
 
Чишмә буенда атлар эчергән
Һәм кызлар күзләп йөргән яшь чаклар.
Йөрәк түрендә яшьлек ядкәре -
Үзебез яккан төнге учаклар...
 
Куш: Күннән үрелгән камчы чыҗлавы,
Чаптар атларның тояк авазы.
Хыялны җигеп, атта җилдергән
Егетлек чоры - ул гомер язы...

Комментарийлар