Яшьлек артыннан – кибеткә?

Кеше үсә башлаудан туктау белән, организм картая башлый, беренче билгеләре тиредә һәм чәчләрдә күренә. Картаю тән күзәнәкләре дәрәҗәсендә бара, тукымалар яңарып өлгерә алмый, бу исә сәламәтлек торышының начараюына китерә.

Күптән түгел галимнәр физетин дигән органик матдәнең яшәртә торган үзлекләрен ачыклаган, дип хәбәр итә zen.yandex.ru. Фитезин (флавоноид) зарарланган күзәнәкләр санын киметә, бу исә организмны яшәртүгә китерә икән. Белгечләр рационга әлеге пигмент булган азык-төлек кертергә киңәш итә.

Нинди җиләк-җимешләрдә бар соң ул фитезин?

1. Җир җиләге. Җиләк җиләге баш миен картаюдан бик яхшы саклый икән, шуңа күрә аны неврологик авыруларны, аерым алганда, Альгцгеймер чирләрне профилактикалау өчен кулланырга тәкъдим итәләр.

2. Хөрмә. Хөрмә ашкайнату һәм ялкынсыну процессларын бетерү буенча файдалы үзлекләргә ия. Шулай ук А витамины, ликопин, лютеин һәм башка кыйммәтле микроэлементларның бай чыганагы булып тора.

3. Киви. Киви канны аспирин кебек сыекландырырга сәләтле, шуңа күрә аны йөрәк-кан тамырлары системасына бәйле проблемалар булганда кулланырга киңәш итәләр. Кивидагы матдәләр инсульттан, инфаркттан, шулай ук тромбоздан котылырга ярдәм итә.

4. Йөзем. Йөзем җимеше йөрәк һәм инсулин бизе эшендә уңай чагылыш таба. Күп кенә җитди авырулардан, шул исәптән онкология чиреннән, ишемиядән, нервларны дегенерацияләүдән һәм Альцгеймердан саклый, төрле вируслар һәм гөмбәләр белән көрәшергә булыша.

5. Алма. Алмада зур күләмдә фитезин бар, шулай ук С һәм В-каротин витаминнары шактый. Файдалы состав аркасында алмалар ялкынсынуны бетерергә булыша.