Юк, карт түгел, мин яшь әле –

Шаяртмагыз кыз, малай!

Яңа елда – кыш бабай мин,

Таң атканда – гыж бабай.

 

Күрәм, сизәм, тоям әле,

Сөям әле сөйгәндә;

Мин сездән уздырам әле,

Тел чишелсә, сөйләмдә…

 

Карт, димәгез, шат диегез –

Сиксән, туксан, йөз булсын!

Буйлар, сыннар берни түгел,

Әйтер сүзең төз булсын!

 

Күпме сузсаң да, бик беләм,

Бер инде, бер азагы…

И оланнар, ул түгел бит

Бүгенге көн кадагы!

 

Данис ХӘЙРУЛЛИН

Фото: https://www.facebook.com/

 

«Мәйдан» №10, 2020 ел.


Комментарий язарга