Торналар да сөйләшкән
Телләре төрле-төрле.
Безнеңчә ул – «торыйк-торыйк!»,
Ә урысча – «Курлы, курлы»…

«Торыйк-торыйк!» – дип китәләр
Көзге моңлы һаваларда.
«Торыйк-торыйк» – дип кайталар –
Шул ук җыр торналарда.

Без ауганмы, без ятканмы –
Нигә соң «Торыйк-торыйк!»?
Без гомергә йоклаганмы?
Нигә соң «Торыйк-торыйк!»?

Кемнәр өчен бу чакыру –
Безгәме, башкагамы?
Мыскыллы ауган. Егылган
Пар ата-бабагамы?

«Торыйк-торыйк!»… Кем аңласын?!
Дөньялар кырлы-кырлы.
Торналар да «Торыйк!» түгел,
Хәзер бит «курлы-курлы».

 

Наҗар НӘҖМИ

Фото: http://www.nazar-nadjmi.ru/photos.html?10

«Мәйдан» №2, 2021 ел.


Комментарий язарга