Логотип «Мәйдан» журналы

Таман

Көләме күзләрем, елыймы –Дөньяга ышанып караган:- Син бигрәк бәхетле, – дияләр.Бәхетем үземә тап-таман.Канатлар, бөгәрләп, яшергәнБулса да... сөйгәндәй аркамнан:– Син, – диләр, – әй, рәхәт язмышлы...Я...

Көләме күзләрем, елыймы –
Дөньяга ышанып караган:
- Син бигрәк бәхетле, – дияләр.
Бәхетем үземә тап-таман.
Канатлар, бөгәрләп, яшергән
Булса да... сөйгәндәй аркамнан:
– Син, – диләр, – әй, рәхәт язмышлы...
Язмышым үземә тап-таман.
Ә, шашып, таныйсы килгәндә
Кайсы – дус, кем дошман... арадан,
Берәве төшерә битлеген:
Үз йөзе үзенә тап-таман.

Луиза ЯНСУАР


Фото: https://pixabay.com


 

Комментарийлар