Сандугачлар җиргә кунганнармы

Каен агачыннан коелып…

Сыенышып яткан яфракларга

Карап торам менә онтылып.

Бөртек-бөртек булып сибелгәннәр

Уңып өлгермәгән чирәмгә.

Иңемә дә, кулыма да кунып

Оча-оча яфрак тирәмдә.

И, көз агай, бар җиһанны бизи,

Сый-хөрмәтне мулдан тутыра…

Каеннарның шәрә ботагында

Коелмыйча калып моң тора.

 

Минзифа ӘХМӘТШИНА

Фото: https://twitter.com/

 

«Мәйдан» №6, 2020 ел.


Комментарий язарга