Без башкорт та,

Без мишәр дә,

Керәшен дә, типтәр дә…

«Мин татар!» дип аваз бирәм,

Сан алуны көткәндә.

Сарык булма,

Балык булма,

Тавык булма, бел, татар:

Даның сүнәр,

Җаның түнәр

Калсаң әгәр мең татар.

Һич ышанма,

Әйтсәләр дә:

Гадәттәге сан алу.

Аң бул,

Җан бул,

Бу – татардан

Сан киметеп җан алу.

Аю булма, бүре булма,

Аерылма, бүленмә!

Бердәмлек илтә яшәүгә,

Таркалулар – үлемгә.

Уйла, татар,

«Булмасын, − дип, −

Соңгы тапкыр тын алу…»

Бу – тарлыкка,

Татарлыкка,

Бөеклеккә сыналу!…

 

Илдар ЮЗЕЕВ

Фото: https://pixabay.com/

«Мәйдан» №2, 2020 ел.


Комментарий язарга