Роскачество Русиядә сатыла торган 48 төрдәге яфраклы һәм пакетлы чәйне тикшерде. Аларның 11ендә эчәк таякчыклары, кайберендә күгәрек гөмбәчекләре булуы ачыкланган.

Пакетлы чәйгә буяулар кушыла, дип куркабыз. Роскачество тикшерүләре моны расламаган. Пакетлы чәйнең бик тиз пешүен алар болай аңлатты: пакетка яфрак вагы, ягъни чәй тузаны тутырыла.
Чәйдә күгәрек гөмбәчекләре булу буяулардан да куркынычрак. Пакетлы чәй тыгызлап тутырыла, шуңа аз гына дымлылыктан да ул күгәрә башларга мөмкин.
Ә менә чәйдәге шундый гөмбәчекләр 60 градустан югары булган суда үлә. Шуңа да мондый чәй кулланырга булсагыз, аның өстенә кайнап торган су салырга киңәш ителә.

Автор: Гөлия Мөгаллимова
Фото:https: //pixabay.com/
Чыганагы:  https://kiziltan.ru/articles/poleznoe/2021-10-05/paketly-ch-yd-n-rs-2531228

Комментарий язарга