Шаулыйлар карт таллар, шатланып,

Күчүмнең кайтуы турында.

Шаулыйлар дулкыннар, елашып,

Ермакның батуы турында.

Тик урман болганмый – куйнында

Кысылган зур дәһшәт йомгагы.

Туйдырды шул дәһшәт каршында

Үкенү, юану, моңаю.

Калды тик, чыгарып аланга,

Акыртып суярга язмышны.

Калды тик рухыма булырга

Өгенең «уф»лаган тавышы.

И себер татары, ни диим?..

Бары тик Ермакны, Күчүмне

Тарихта калдырыр өченме

Дөньяга, бу җиргә син килдең?

 

Шәү­кәт ГАДЕЛША

Фото: Николай Туганов 


Комментарий язарга