ЫШАН ҮЗЕҢӘ!

Иссәләр дә җилләр, куерса болытлар –

Син ашыкма җирдән кубарга,

Син – имән.

Ул җилләр бер тынар, болытлар таралыр.

Ә синең тамырлар тирәнгә

Береккән.

Яшьнәсен яшеннәр,

Купсыннар давыллар –

Син ябыш ныграк туфракка,

Син – имән!

Барысы да уза, ә синең тамырлар

Бик күпкә көчлерәк,

Аларда – бар тормыш,

Син исән!

«Сынарга тиеш син, сыгыл, чүк!», – дисәләр,

«Син көчсез», – дисәләр, ышанма!

Чөнки син ул – имән!

Ә синең тамырлар киткәннәр тирәнгә...

Тоташ син аларга. Бел шуны:

Тамырлар булганда син исән!

Фото:https://ru.freepik.com/Изображение от  Freepik