Менә шушы якка таба

Менә шушы якка таба
Барам мин, барасы бар:
Ул кыя – юлның өстендә –
Урталай ярасы бар!
 
Менә шушы якка таба
Барам мин, барасы бар:
Әнә шул офык ташыннан
Бер кала саласы бар!
 
Менә шушы якка таба
Барам мин, барасы бар:
Яшен чаткысын яшьлеккә
Өлгегә аласы бар!
 
Менә шушы якка таба
Барам мин, барасы бар:
Җыр язар өчен каләмне
Кояшка манасы бар!
 

Ямаш ИГӘНӘЙ

Фото: https://ru.freepik.com/Изображение от wirestock