«Киләчәкнең җыры – юлларымда...»

Киләчәкнең җыры – юлларымда,

Уйларымда үткәннәрем ята.

Борынгыдан бабам рухы кайта,

Хыялымда ирек чәчәк ата.

Вакыт куа галәм төпкеленнән

Хәтерләрдә кайтыр борынгыны.

Акыл белән тыеп җан сызлавын,

Яшәвеңдә үлчә үз чорыңны.

Үткәннәрдән вакыт, юлың кайта,

Хыялыңда онык йоклап ята.

Язлар килә, гөлләр чәчәк ата,

Тамчы тама, тамчы ташны вата…

Фото: https://ru.freepik.com/