Их, матур бу дөнья!

Матур пар дип сокланалар
Без урамнан үткәндә.
Ике матурлык кушыла
Бергә гомер иткәндә.
Матур, матур, матур дөнья
Бик матур барыбыз да.
Бу тормышның матурлыгы –
Ул безнең җаныбызда.
Шушы матур яратуны
Гел яңартып торырбыз.
Шатлык-бәхет таратучы
Парлы матур булырбыз.
Парлы матур булып кына
Гомер кичерик әле.
Гел матур чакларны гына
Искә төшерик әле.
 

Тәслимә НИЗАМИ

Фото: https://ru.freepik.com/Изображение от lachetas