Их, дөньясы!

Әллә дөнья артык әйбәт,

Әллә үзем начар мин:

Ил күзенә чыккан саен,

Үз өнемә качам мин.

Әллә тормыш – тоташ бәйрәм,

Әллә халкымы – сәрхуш:

Куеннарда шешә булса,

Башларында кәләпүш.

Әллә данга ирештекме,

Әллә төштек мескенгә?

– Син дә шуңа иреш, диләр,

Юкны-барны тикшермә!

Әллә, дим соң, төкеримме?

Аһ, коега – төкерек!

Суы кирәк булмагае...

Кая барма – исерек!

Фото: https://ru.freepik.com/Изображение от rawpixel.com