Биеклек

Тау өстендә наратлар

җилләрдә чайкалалар.

Очлары белән күкләргә

нидер язмак булалар?

Бөркетләр узышып яулый

күкнең яңа катларын.

Янәсе, киң офык күрсен

хакимлек канатларын!

Төнге күктән күп йолдызлар

атыла яна-яна.

Биектәнрәк төшкәне

күзләргә сеңеп кала.

Кеше дә үрләмәкче гел...

Ә рухының - үз күге.

Кылган игелеге белән

үлчәнә биеклеге.

Равил ФӘЙЗУЛЛИН 

 Фото: https://ru.freepik.com/Изображение от wirestock