Күзнең күрү сәләтен яхшырта, тән тиресен сәламәтләндерә торган бик яхшы рецепт!

Аның өчен 200 мл җитен мае, 4 лимон, 3 баш сарымсак, 1 кг бал кирәк була.

Чистартылган сарымсакны, кабыгы белән ике лимонны, кабыксыз ике лимонны иттарткычтан уздырабыз. Барлыкка килгән массага җитен мае белән бал салып болгатабыз да, пыяла банкага тутырабыз. Банканы суыткычта саклыйбыз. «Дару»ны атнага бер тапкыр, көненә өч мәртәбә ашарга ярты сәгать кала берәр аш кашыгы кулланабыз.