Иван-чәйне ничек ясыйлар?

Иван-чәй ясап караганыгыз бармы? Аны төрлечә ясыйлар. Әмма түбәндәгечә ясасагыз, чәй аеруча тәмле, хуш исле булачак.
 

Үләннең яфракларын банкага агач тукмак белән төя-төя тыгызлап тутырыгыз.
Тәрәзә төбендә кояшта өч көн торгач, аны иттарткычның эре тишеклесеннән чыгарырга кирәк. Табакта яхшылап уганнан соң, өстенә дымлы чүпрәк каплап, 8 сәгать тотарга да, җәймә өстенә таратып, төнгелеккә калдырыгыз.
Икенче көнне 90-100 градуска кадәр кызган газ мичен ябып бетермичә генә киптерәләр.
Чәйләрегез тәмле булсын!