Хәния Фәрхи каберенә һәйкәл куела

Бүген Татарстан һәм Башкортстанның халык артисты Хәния Фәрхинең арабыздан киткәненә бер ел тула. Әлеге уңайдан 11.00 сәгатьтә җырчының каберендә һәйкәл ачылачак.

 
Фото: Расих Фасхутдинов
Күптән түгел Хәния Фәрхинең Яңа Татар зиратындагы каберенә таш куйдылар. Ташка Татарстанның халык шагыйре Роберт Миңнуллин җырчыга багышлап иҗат иткән шигырьдән өзек уеп язылган.
Татар эстрадасы йолдызы Хәния Фәрхи 2017 елның 27 июлендә Башкортстанның Тәтешле районында 57 яшендә вафат булды. 31 майда җырчыга 58 яшь тулган булыр иде.
 

Бу хакта тулырак: https://tatar-inform.tatar/news/2018/07/27/168612/