“Ватан-ана” мемориалендә Чик сакчылары көне узачак

Чик сакчылары көне – Ватан каршында үз бурычын үтәп, дәүләт чиген саклаучыларның һөнәри бәйрәмнәре.
Быел Россиянең чик саклау гаскәрләре үзләренең 100 еллыгын билгеләп үтә.
Чаллыда 28 май көнне 10:00 сәгатьтә “Ватан-ана” мемориаль комплексында әлеге бәйрәм хөрмәтенә тантаналы чара уза, дип хәбәр итә мэриянең матбугат хезмәте.
Программада - мәртәбәле кунаклар чыгышы һәм һәйкәлгә чәчәкләр салу каралган.