ТР икътисад министры Дагыстан премьер-министры вазифасына дәгъва кыла

Вакытлыча Дагыстан башлыгы вазифаларын башкаручы Владимир Васильев Дагыстан Халык җыенында республика хакимияте рәисе итеп ТР икътисад министры Артем Здунов кандидатурасын тәкъдим итте.

Здунов кандидатурасы бүген, 7 февраль көнне, парламент сессиясендә каралачак.
Артем Здунов 1978 елның 18 маенда Казанда туган. Ул Казан финанс-икътисад институтын тәмамлаган. 2006-2010 елларда "ТР Фәннәр академиясенең перспективалы икътисадый тикшеренүләр үзәге" дәүләт оешмасының фән буенча директор урынбасары була.  2010 елдан - Татарстанның икътисад министры урынбасары. ТР икътисад министры вазифасын 2014 елдан бирле башкара. Ул икътисад фәннәре кандидаты. 
 
 

Чыганак: http://islam-today.ru