Татарстанның иң күп эчүче шәһәрләре билгеле

Татарстанның Дәүләт алкоголь инспекциясе республиканың кайсы районнарында күпме күләмдә спиртлы эчемлек сатылуын ачыклаган.

Беренче урында Казан тора. Соңгы 8 ай эчендә анда кеше башына 10,6 литр исерткеч эчемлек сатылган. Икенче урында – Бөгелмә, бер кешегә 10,4 литр спиртлы эчемлек туры килә. Әлмәттә бу күрсәткеч – 10,2 литр. Дүртенче һәм бишенче урында Чаллы (9,1 литр) һәм Түбән Кама районы (8,5 литр).
Татарстан буенча уртача күрсәткеч – 9,1 литрны тәшкил итә.