Татарстанда коега төшкән сыерны коткарганнар (ФОТО)

 
Яшел Үзән районының Әйшә авылында канализация коесына сыер төшә. Бу турыда 112 хезмәтенә хәбәр килә.

Гадәттән тыш хәлләр министрлыгы хезмәткәрләре тиз арада килеп җитеп, бәлагә очраган сыерны коткару эшенә керешә. Сыерны 5 метр тирәнлектәге коедан чыгару өчен бер сәгатьтән артык вакыт сарыф ителә.  Шулай итеп, сыерны 42 яшьлек хуҗасына исән-имин килеш тапшыралар.