Таиланд хакимияте Самуи һәм Пханган утрауларын афәт зонасы дип игълан иткән

Көчле су басулар сәбәпле һәм яңгырлар туктаусыз яуганга Таиланд хакимияте туристлар ял итәргә яраткан Самуи һәм Пханган утрауларын табигый афәт зонасы итеп игълан иткән, дип хәбәр итә “Вести”.

Шаһитлар әйтүенчә, Самуи урамнарында су елга булып ага, электр тапшыру линияләренә зыян килгән, транспорт йөреше туктаган.
Таиланд утраулары су ташкыны эчендә калган, берничә көн дәвамында туктаусыз яңгыр ява. Табигать афәте нәтиҗәсендә кимендә 11 кеше үлгән, ике кеше хәбәрсез югалган.
 

Чыганак: http://tatar-inform.tatar