Судьялар хоккей уйнады

Кукмараның “Олимп” боз сараенда “Содружество” Кубогына хоккей буенча турнир узды.
Фото: kukmor-rt.ru
Анда Татарстан Югары судының “Фемида”, Кукмараның “Ветераннар”, Сосновканың “Витязь” хоккей командалары көч сынашты, дип хәбәр итә “Хезмәт даны” газетасы.
Турнирның ачылу тантанасында Татарстан Югары суды рәисе урынбасары Максим Беляев, район прокуроры Ришат Шакиров, район Башкарма комитеты җитәкчесе Азат Гарифуллиннар чыгыш ясады.
Турнирда беренче урынны кукмаралылар алды, икенче урында – “Фемида” командасы, өченче – “Витязь”.