Монреаль татары ачкан он-лайн мәктәп дөнья татар балаларын берләштергән

Монреальдә яшәүче Алимә Сәлахетдинованың "Укыйбыз" проекты дөньяның 12 шәһәрендә яшәүче татар балаларын берләштергән. Бу хакта социаль челтәрдәге шәхси сәхифәсендә проект авторы хәбәр итә.

18.07.2018 - Международный молодежный образовательный форум Салят – 2018. Биляр.(фото Салават Камалетдинов)

"Күптән бүлешәсем килгән идеям, проектым әкрен генә, әмма алга бара. Бишенче ай рәттән дөньяның төрле илләрендә яшәгән татар балалары якшәмбе көннәрендә "Укыйбыз" он-лайн мәктәбендә белем ала, яңа татар дусларын таба, аралаша", - ди Алимә Сәлахетдинова.

Проектта 9 класста 27 бала белем ала. Алар арасында Монреаль, Прага, Сан-Франциско, Берлин, Торонто, Флорида, Баффало, Коламбус, Төньяк Каролина, Вашингтон, Калгари, Казан балалары бар.

Мәктәптә 5-18 яшьлек балалар белемнәрен арттыра. Киләчәктә олылар өчен дә төркемнәр ачу планлаштырыла.