Көтү кайтканда авылда аю йөргән

Әлеге хәл Башкортстанда булган.

Якшәмбе көнне кичке сәгать 8ләр тирәсендә авылга аю төште, дип хәбәр иткән Балтач районы Имән авылында яшәүчеләр җирле "Башинформ" агентлыгына.
Авылда көтү кайткан чак була. Шунысы гаҗәп: авылга аю төшкәндә бер генә эт тә тавыш чыгармый, ә урман кунагы үзе дә сыер-сарыкларга тимәгән, кешеләргә дә якын килмәгән. Бу хакта "Татар-информ" хәбәр итә.