Казанда машина түбәдән килеп төшкән

 
Казанның Киров районында урнашкан Алафузов фабрикасының техник бинасы түбәсеннән "Лада Гранта" машинасы егылып төшкән, дип хәбәр итәләр социаль челтәрләрдә.

Бу вакыйганы күргән кешеләр әйтүенчә, хуҗасы анда машинасын ремонтлау белән мәшгуль булган. Аңа ул урыннан машинасын күчереп торуын сораганнар һәм ул руль артына утырганнан соң, ялгыш тормоз белән газ педален бутаган. Нәтиҗәдә, машина түбәдән биналар арасына килеп төшкән. Машина йөртүче зыян күрмәгән, дип яза "Шәһри Казан".