КАМАЗ “Бигеш” аэропортын сату мөмкинлеген карый

“КАМАЗ” ГАҖ “Бигеш” аэропортын сату мөмкинлеген кире какмый. Бу хакта Петербург халыкара икътисади форумында компаниянең генераль директоры Сергей Когогин хәбәр итте.
Фото: архив http://tatar-inform.tatar/
Автоконцерн киләчәктә аэропортны профиль булмаган актив буларак сатуны планлаштырамы, дигән сорауга Когогин җавап бирде. “Андый мөмкинлек каралуы бар”, - диде ул.
"Шулай да компания әлеге карарны чыгарырга ашыкмый", - диде КАМАЗ генераль директоры.
Автоконцерн “Бигеш” аэропортын 150 миллион сумга сатып алган булган. Хәзер аның баланс бәясе 700 миллионнан 1 млрд сумга кадәр исәпләнә.
Потенциаль сатып алучылар белән әлегә сөйләшүләр алып барылмый, шулай да алырга теләүчеләр инде бар, дип ачыклык кертте Когогин.
 

http://tatar-inform.tatar/