Гөлназ Сәфәровага Татарстанның атказанган артисты исеме бирелде

1 октябрь көнне "Пирамида" концертлар залында "Татар радиосы"ның 15 еллык туган көне уңаеннан зур бәйрәм оештырылды.
Фото: https://vk.com
Радионың иң затлы, креатив ди-джее, ун ел буе "Татар җыры" фестивален алып баручы Гөлназ Сәфәровага Татарстанның атказанган артисты исеме бирелде.
- Минем беркайчан да дулкынланганым юк. Ләкин бүген дулкынлануымны яшерә алмыйм. Минем тыйнак хезмәтемне бәяләгәне өчен "Барс-Медиа" ширкәтенә, һәр уңышларыма сөенеп торучы әбиемә, төпле киңәшләре өчен әти-әниемә һәм, әлбәттә, сезгә, тугры тамашачым, бик зур рәхмәт! - ди Гөлназ.