«Гадел әңгәмә» Рамазан аена багышланган махсус чыгарылыш тәкъдим итте

«Гадел әңгәмә» тапшыруының Рамазан аена багышланган махсус чыгарылышы чыкты. Уразага кагылышлы иң актуаль сорауларга Казанның «Гаилә» мәчете имам-хатыйбы Рөстәм хәзрәт Хәйруллин җавап бирде.
Хәзрәт Гадел Әхмәтҗановка кемнәрнең ураза тотарга тиешлеге, нәрсәнең ураза бозуы, сәдакалар, Кадер кичәсе, мәкрүһ гамәлләр һәм башка бик күп темалар турында сөйләде. Әлеге чыгарылыш башкаларыннан аерым бер темага багышлануы белән генә түгел, ә төрле локацияләрдә төшерелүе белән дә аерылып тора.

Чыганагы: https://tatar-inform.tatar/news/gadel-angama-ramazan-aena-bagyslangan-maxsus-cygarylys-takdim-itte-5853243