Фоат Галимуллин юбилеена багышланган “Инешләр Иделгә кушыла” әдәби салоны утырышы була

18 май көнне сәгать 14.00 дә ТР Милли музеенда “Инешләр Иделгә кушыла” әдәби салонының чираттагы утырышы була. Ул филология фәннәре докторы, профессор Фоат Галимуллинга 75 яшь тулуга багышлана, дип хәбәр итә музейның матбугат хезмәте

Фоат Галимуллин - Милли музейның Гыйльми советы әгъзасы да. Аның 500 дән артык фәнни хезмәте бар.
Утырышта ТР Язучылар берлеге рәисе Рафис Корбан, язучылар һәм шагыйрьләр Ренат Харис, Газинур Морат, Мәдинә Маликова, филология фәннәре докторлары Хатыйп Миңнегулов һәм Әлфәт Закирҗанов һ.б.лар катнаша.