Әлмәт районы Габдрахман авылының актив әбиләре атна саен спортзалда шөгыльләнә

"Буран әбиләре" футбол уйный, ә Габдрахманның актив әбиләре спорт белән шөгыльләнә, дип хәбәр итә "Әлмәт таңнары".
"Сәрбиназ" ансамбленә йөрүче әбиләр атна саен спортзалга килеп, төрле күнекмәләр ясый, йөгерә, хәтта гол кертә икән. Сәламәт яшәү рәвеше алып баручы Габдрахман әбиләре озакламый клип та төшерергә җыена. Аякларына кроссовка киеп, милли киемнәрдә спорт белән шөгыльләнүче Габдрахман әбиләре "Буран әбиләре"н дә уздырыр әле, дип яза газета сайты.
Фото: http://www.almet-rt.ru