Әлмәт кызы чабышкысы белән халыкара ярышларга бара

Быел август азагында башкалада үткәрелгән «Россия горурлыгы» илкүләм ярышларында 120 спортчы арасында Әлмәт кызы Зарина Хисамиева 1 нче урын алган, шәхси беренчелектә Бөтенроссия ярышларының бронза призеры булган.
Фото: almet-rt.ru
Хәзер инде атлы спорт буенча Әлмәт балалар һәм яшүсмерләр спорт мәктәбендә шөгыльләнүче кыз үзенең чабышкысы Браслет белән 7-11 сентябрьдә Мәскәүдә узачак халыкара ярышларда катнашачак, дип хәбәр итә “Әлмәт хәбәрләре” газетасы.