Әлки районы кайнар нокталарда хезмәт иткән якташлары турында китап әзерли

Әлки районы мәдәният бүлеге Әфганстанда, Чечняда һәм башка кайнар нокталарда хезмәт иткән якташлары турында китап әзерли башлаган. Бу хакта “Әлки хәбәрләре” газетасы яза.

Мәдәният бүлеге ел башында шушы күләмле хезмәт өчен 150 мең сум грант откан. Күптән түгел “РИТЭК” ААҖ социаль һәм мәдәни проектлар конкурсында җиңеп, тагын 50 мең сум алуга ирешкәннәр.
Әлегә “Заман безне сайлады” (“Время выбрало нас”) исемендә чыгачак китапка керәсе райондашлары хакында мәгълүматлар туплау эше бара.  Китап 2017-2018 еллар аралыгында чыгар дип көтелә.