Чаллы спортчысы Европа чемпионатына юллама алды

Чаллы спортчысы Грециядә тхэквондо буенча турнирда алтын медаль яулады. Хәзер Рафаэль Камалов Европа чемпионатында Татарстан исеменнән чыгыш ясаячак.
Фото: Сергей Титкин
Афинада Бөтендөнья тхэквондо федерациясе кубогына тхэквондо буенча турнир уза, дип яза "Вести КАМАЗа" басмасы.
Әлеге турнирда Чаллы дәүләт педагогия университеты студенты Рафаэль Камалов катнашты. Үз авырлык категориясендә Рафаэль алтын медаль яулады һәм Европа чемпионатына юллама алды. Спортчыга "Халыкара класслы спорт мастеры" исеме бирелде.
Рафаэльнең тренеры -  Сергей Титкин.