Чаллы пенсионерлары Бөек Болгарга сәяхәт кылды

Өлкәннәр көненә багышланган декада кысаларында Россия пенсионерлар берләшмәсенең Чаллы бүлеге активистлары өчен Бөек Болгарга экскурсия оештырылды, дип хәбәр итә мэрияның матбугат хезмәте.

Чаллы пенсионерлары борынгы шәһәрдә, Ак мәчет, икмәк музее һәм дөньядагы иң зур Коръән урнашкан Болгар цивилизациясе музеенда булдылар.
Әлеге сәяхәтне «Россия пенсионерлар берләшмәсе»нең Татарстан бүлеге оештырды.