Чаллы кызы Гөлназ Садыйкова Татарстанда массаж буенча абсолют чемпион булды

Казанда "Красота Professional" күргәзмәсе кысаларында массаж буенча республика чемпионаты узды.

Аны Мәскәүнең Массажистлар милли федерациясе оештырды. Катнашучылар бәйге таләпләре буенча массаж ясауның классик техникасын һәм ирекле формада - спа-массаж, велнес-массаж, фитнес-массаж, сәламәтләндерү, спорт, дәвалау массажлары һ.б. ны ясап күрсәтте.
Нәтиҗәдә, массаж буенча абсолют җиңүче исемен Чаллының "Спа-Клуба Расстал" массажисты Гөлназ Садыйкова яулады. Шул ук клубның тагын бер хезмәткәре Ксения Хәбибуллина беренче урынны алды.