Бүген шагыйрь, публицист, җәмәгать эшлеклесе Ибраһим Биектаулының туган көне!
Татарстан (2005) һәм Удмутия Язучылар берлекләре һәм Рәсәй журналистлары союзы әгъзасы, Удмуртиянең атказанган журналисты.«Бәйрәм белән!», «Җирдән җиде җиһанга», «Галәм серләре», «Таулар-кыялар аша»,...
Татарстан (2005) һәм Удмутия Язучылар берлекләре һәм Рәсәй журналистлары союзы әгъзасы, Удмуртиянең атказанган журналисты.
«Бәйрәм белән!», «Җирдән җиде җиһанга», «Галәм серләре», «Таулар-кыялар аша», «Грядущим», «Кайтавазлы биеклек» һ.б. шигырь җыентыклары, дистәдән артык поэмалар, йөзләгән җыр сүзләре, сәяси публицистик язмалар, фәлсәфи эссе-бәяннар авторы. Казанда яши.
Чын күңелдән котлыйбыз. Озын гомер, нык сәламәтлек, иминлек телибез.
Соңгы оран
Оран сала күктән киек казлар:
«Уяныгыз, гафил раван җаннар,
рух өрегез озак йоклаганга,
сулкылдасын тамырларда каннар!»
Оран сала күктән киек казлар:
«Тарихларың булган тузга язган,
туздырылган тузлар утта янган,
исәннәре җир астында калган!»
Оран сала күктән киек казлар:
«Болгар углы! Йә, әйт, ничек хәлең?
Суың бармы? Кипмәдеме күлең?
Хәтерлиме болгарлыгын Илең?»
Йөрәгеңне уят әле, туган,
Ишетерсең шулчак соңгы оран:
«Бабаларның баш очында курган,
өсләренә Бөркет оя корган!»
Ибраһим БИЕКТАУЛЫ
Вход на сайт
Комментарийлар