Быел республикада тагын 5 авыл клубы төзеләчәк. Аларда кино күрсәтү өчен цифрлы җиһазлар урнаштырылачак. Татарстандагы муниципаль районнарның 6 сында мондый җиһазлар кайтартылган инде һәм аларны урнаштыру эшләре бара. Ел дәвамында әлеге кинозалларны, тантаналы рәвештә, ачу ниятләнә.
Моннан тыш, кино күрсәтү җиһазлары ТР Президенты программасы буенча төзелә торган 45 яңа клубта да булачак. 4 ел дәвамында гамәлдә булган әлеге программа ярдәмендә Татарстанда 181 авыл клубы сафка бастырылган.
Комментарийлар