Арчада Габдулла Тукайның 132 еллыгы уңаеннан Тукай марафоны үткәрелде

Арчада Габдулла Тукайның 132 еллыгы уңаеннан Тукай марафоны үткәрелде, дип хәбәр итә "Арча хәбәрләре" газетасы.
Фото: http://arskmedia.ru
Ул Арча мәдәният йорты яныннан башланып китте. Биредә башта җырлар, биюләр белән бик матур чара үткәрелде. Аннан йөгерешчеләр Яңа Кырлай ягына юл алды.
Ә Кырлайда йөгерешчеләрне район башлыгы Илшат Нуриев һәм тантанага кайткан язучылар каршы алды.
Йөгерештә беренче урыннарны үз яшьтәшләре арасында Илназ Дияров, Илмир Зыятдинов, Ильяс Шиһабетдинов һәм башкалар яулады. Җиңүчеләргә бүләкләр тапшырылды.