Айдар Фәйзрахмановның «Олы юл» китабын «Олы юл әйтте...» концертында тәкъдим итәләр

 
4 ноябрьдә Габдулла Тукай исемендәге Татар дәүләт филармониясендә Россиянең атказанган, Татарстанның халык артисты Айдар Фәйзрахманов җырларыннан төзелгән «Олы юл әйтте...» дип аталган концерт була. Анда «Олы юл» китабы да тәкъдим ителә.

 
Концертта Фердинанд Сәлахов һәм Ярамир, Филүс Каһиров, Гөлшат Шәрәпова, Илнар Ялалов, Рөстәм Насыйбуллин һ.б. җырчылар, Айдар Фәйзрахманов җитәкчелегендәге Татарстан Республикасы фольклор музыкасы дәүләт ансамбле, Ринат Халитов җитәкләгән «Татарика» халык уен кораллары оркестры да катнашачак, дип хәбәр итә Г.Тукай ис.Татар дәүләт филармониясенең матбугат үзәге.