Минзәләдә очрашу

21 октябрь көнне Минзәлә шәһәрендә күңелле очрашулар үтте.

Минзәлә педагогия көллияте һәм Авыл хуҗалыгы техникумы студентлары, гимназиягә җыелган районның татар теле һәм әдәбияты укытучылары һәм китапханәчеләре "Казан утлары" журналының баш редакторы, шагыйрь Илфак Ибраһимов, журналның бүлек мөхәррире, язучы Айгөл Әхмәтгалиева, "Көмеш кыңгырау" газетасының баш редакторы, Чаллы Язучылар оешмасы рәисе Факил Сафин, "Мәйдан" журналының бүлек редакторы Фәнсилә Шәйдүләтова белән очрашты, аларның иҗатлары белән якынрак танышты, шигырьләр тыңлады.