И-и кызык та чаклар бар иде,
Капка башыннан ук кар иде.

899c045f495c7868f0aa5fc7fff3f3be
Карга баткан авыл юлларын,
Трактор ачкач, барыбер тар иде.

Бик бәхетле чаклар бар иде,
Әти-әни исән, пар иде.
Уйнап кергәч алар орышыр иде ,
Безнең кием тоташ кар иде.

Иртә-кичен авыл өстендә
Тәмле иде, төтен таралгач.
Мич алдында, әни кулында
Уйнап торыр иде табагач.

Каен тузы белән учак кабызып,
Сулар кайнар иде казанда.
Мал-туарны ашатып-эчергәч,
Уен дәвам итәр иде һаман да.

Каты суыклары булыр иде,
Сузылыр иде атна-ун көнгә.
Мәктәпләрдә уку булмый дигән
Белдерү көтә идек без көн дә.

Ә суыклар комачау итәмени,
Бала-чага һаман уенда.
Окоп казый идек тирләп, пешеп
Бакчаларда, койма буенда.

Бала тавышыннан шау-гөр килеп,
Торыр иде кичен тау бите.
Инештәге бозда уйнап, шуып
Ялтырар иде хәтта яр чите.

И-и рәхәт тә чаклар бар иде,
Кышлары да озын, ак иде.
Безнең генә узган балачакны
Сагынып искә алыр чак инде!

Рушания Ахмадуллина (Чанышева)

Комментарий

  1. Чыннан да шулай иде,Рушания! Без 3 км мэктэпкэ йореп укыдык,кыш коне бара идек,салкын буген укымыйбыз дип безне кайтарып жибэрэлэр иде,тагын 3 км кайтып,ос-киемне алыштырып, урамга чыгып, окоп казып уйный идек. Эх! Менэ бу компьютер безнен дэ,бала -чаганын купме вакытын ала,балаларга чын уен уйнап усэргэ бирми. Ижади унышлар сезгэ!(ТАТАРЧА ПРОГРАММАГА КУЕЛМАГАН,ХАТАЛАР БУЛСА,ГАФУ УТЕНЭМ)


Комментарий язарга