Көнкүрештә кулланыла торган кайсыбер әйберләр куркыныч авырулар китереп чыгарырга мөмкин. Бу турыда «Медицинское обозрение» басмасына сылтама белән РЕН ТВ хәбәр итте.

Белгечләр фикеренчә, көн саен кулланыла торган иң куркыныч әйбер — дезодорант. Аның составында парабен дигән матдә бар. Галимнәр бу матдәнең 100 процентка куркынычсыз булуын дәлилләмәгән әле. Кайбер тикшеренүләр күрсәткәнчә, алар организмда туплану үзлегенә ия.

Шулай ук татуировкасы булган кешеләр дә куркыныч авыру белән авырырга мөмкин. Аларда меланома булуы ихтимал. Тату ясаганда кулланыла торган буягычларның составында кобальт һәм алюминий бар. Алар яман шеш килеп чыгуны 80 процентка арттыра.

Чәчен буярга яратучы хатын-кызлар күкрәк яман шеше белән авырырга мөмкин.

Тырнак буявының составы да куркыныч. Шуңа күрә аны да бу  әйберләр исемлегенә керткәннәр. Тырнак лагындагы химикатлар да бик токсик була.

Пластик һәм тефлон савыт-саба, йорт җиһазларында янгынга каршы матдәләр — болар барысы да организмга начар йогынты ясый. Кайсыбер очракларда куркыныч авырулар килеп чыгарга мөмкин, диелә бу хәбәрдә.
Фото: https://pixabay.com
https://intertat.tatar/copayjavap/dezodorant-savyt-saba-k-n-saen-kullanyla-torgan-kaysy-yberl-r-kurkynych-avyru-kiterep-chygaryrga-m-m/

Комментарий язарга