Кәбестә, баллы борыч һәм кишерне тиз генә маринадлап, өч сәгатьтән соң ашап була торган итеп әзерләп була.

20201020_1831361

1 кило кәбестә, 1 баллы борыч, уртача зурлыктагы 1 кишерне саламлап турыйбыз. Яшелчәләр янына 3 телем сарымсакны ваклап турап салабыз.

Кечкенә кәстрүлдә маринад әзерлибез. Моның өчен 100 мл су, 100 мл көнбагыш мае кайнатабыз, шуңа 1 аш кашыгы тоз, 3 аш кашыгы шикәр комы, 5 данә хуш исле борыч, 5 данә кара борыч, 3 данә канәфер, 2 лавр яфрагы салабыз.

Шушы сыеклык кайнап чыккач, 9 процентлы аш серкәсен 50 мл кушабыз, акрын утта бераз кайнатып алабыз.

Әзер маринадны туралган яшелчәләр өстенә салып, яхшылап болгатабыз да 2 литрлы банкага тыгызлап тутырабыз.

Банканы суыткычка куябыз. 4 сәгатьтән тозлы кәбестә әзер!

 

Фото: «Интертат»
https://intertat.tatar/news/cooking/21-10-2020/k-zge-k-best-ne-tiz-gen-tozlau-retsepty-5780083

Комментарий язарга