Көтәм әле, нидер булыр сыман,

Кемдер килер сыман яныма.

Әллә нинди шатлыклары белән

Килеп керер сыман җаныма.

 

Көн дә көтәм, ни көткәнем белмим,

Күңелемә шулай тоела.

Сизми калсам, яхшы булмас, диеп,

Көтәм айлар, көннәр буена.

 

Үзем уйлыйм, бу көтүем берүк

Яхшы хәбәр генә булса иде.

Начар уйларымны алып атып,

Бәгыремә кереп тулса иде.

 

Мөҗәһит ӘХМӘТҖАНОВ

Фото: vk.com

«Мәйдан» №12, 2020 ел.

 


Комментарий язарга