Парлы бәхет карлы бәхет кебек

Уңдырышлы була көзләрен.

Нарасыен кочып имезгәндә,

Кояш назлый сабый йөзләрен.

 

Парлыларның сые мулдан һәрчак,

Өстәлләрдә – Әти икмәге!

Тир исләре сеңгән калач-көлчә

Тәмнәре бит исең китмәле…

 

Әти үзе өйгән өй мичендә

Әни коймаклары бик тәмле,

Гәрәбәдәй бура эчләрендә

Тәгәрәшеп үскән өй ямьле…

Шул балалар – яшәүнең гаме!

 

Нәсимә СИПОВА

Фото: https://www.facebook.com/

 

«Мәйдан» №11, 2020 ел

 

 


Комментарий язарга